പലരും വണ്ണം കുറയ്ക്കുന്നതിനായി ശ്രമിക്കുമ്പോൾ മറ്റുപലർ എങ്ങനെയെങ്കിലും വണ്ണം വയ്ക്കണമെന്ന് ആഗ്രഹിക്കുന്നവരാണ്. ഒരു വ്യക്തി വണ്ണം വയ്ക്കാത്തതിന് പല കാരണങ്ങളും ഉണ്ടാവാം. പാരമ്പര്യം, ചില രോഗങ്ങൾ, പോഷകക്കുറവ് എന്നിങ്ങനെ. മറ്റ് അസുഖങ്ങൾ ഒന്നുമില്ലെങ്കിൽ നമുക്ക് ലഭിക്കാവുന്ന ഏറ്റവും വലിയ സൗഭാഗ്യമാണ് മെലിഞ്ഞ ശരീരം. എന്നാൽ ഉയരത്തിനനുസരിച്ച് ശരീരഭാരം ഇല്ലെങ്കിൽ ഭംഗിയെ മാത്രമല്ല നിത്യ ജീവിതത്തെ തന്നെ ബാധിച്ചേക്കാം.
ജീവിതശൈലിയിൽ ചില മാറ്റങ്ങൾ വരുത്തിയാൽ ആർക്കും ഭാരം കൂട്ടാൻ സാധിക്കുന്നതാണ്. ശരീരഭാരം വർദ്ധിപ്പിക്കുന്നതിന് ഏത്തപ്പഴം വളരെ ഉത്തമമാണ്. അന്നജം ധാരാളമുള്ള ഭക്ഷണങ്ങൾ കഴിക്കുക. ഉരുളക്കിഴങ്ങ്, മധുരക്കിഴങ്ങ്, ധാന്യങ്ങൾ എന്നിവ കൂടുതലായി ഡയറ്റിൽ ഉൾപ്പെടുത്തുക. ഓരോ ദിവസവും കഴിക്കുന്ന ചോറിന്റെ അളവിൽ ചെറിയ വർദ്ധനവ് ഉണ്ടാവണം.
പോഷകസമൃദ്ധമായ ഭക്ഷണം കഴിക്കുമ്പോൾ പൊണ്ണത്തടി ഉണ്ടാകാനുള്ള സാധ്യതകൾ ഏറെയാണ് , വണ്ണം കൂടുമ്പോൾ വയറിന് ചുറ്റുമുള്ള കൊഴുപ്പ് വർദ്ധിക്കുന്നതിനുള്ള സാധ്യതകൾ കൂടും അതുകൊണ്ടുതന്നെ വണ്ണം കൂട്ടുന്നതിന് ആരോഗ്യകരമായ രീതികൾ മാത്രം പിന്തുടരുക. ദിവസവും വ്യായാമം ശീലമാക്കണം അരമണിക്കൂറെങ്കിലും വ്യായാമത്തിനായി മാറ്റിവയ്ക്കുക.
പ്രഭാത ഭക്ഷണം ഒരിക്കലും ഒഴിവാക്കാൻ പാടുള്ളതല്ല. സമീകൃതമായ പ്രഭാത ഭക്ഷണം നിങ്ങളുടെ ഉപാപചയ പ്രവർത്തനങ്ങളെയും വിശപ്പിനെയും ഉണർത്തും ധാന്യങ്ങളും പ്രോട്ടീനുകളും അടങ്ങിയ പ്രഭാത ഭക്ഷണം തിരഞ്ഞെടുക്കുക. കൊഴുപ്പ് കുറഞ്ഞ ഭക്ഷണങ്ങൾ മിതമായ അളവിൽ മാത്രം ഉപയോഗിക്കുക. ശരീരത്തിൻറെ ആരോഗ്യത്തിന് വളരെ അത്യാവശ്യമായ ഒന്നാണ് വെള്ളം. ദിവസവും മൂന്നു മുതൽ 4 ലിറ്റർ വരെ വെള്ളം കുടിക്കുന്നതിന് ശ്രദ്ധിക്കുക. ഇതിനെക്കുറിച്ച് വിശദമായി മനസ്സിലാക്കുന്നതിനായി വീഡിയോ കാണൂ.
