എന്നും ചെറുപ്പമായിരിക്കാൻ ആഗ്രഹിക്കാത്തവരായി ആരും ഉണ്ടാവില്ല. എന്നാൽ അത് ഒരിക്കലും സാധ്യമാവില്ല എന്ന് നാം ഓരോരുത്തർക്കും അറിയാം. എന്നാൽ പ്രായം മനസ്സിനെയും ശരീരത്തിനെയും കീഴ്പ്പെടുത്താതിരിക്കാൻ നമുക്ക് ചില കാര്യങ്ങൾ ശ്രദ്ധിച്ചാൽ മതിയാവും. ജീവിതശൈലിയിലെ ചില മാറ്റങ്ങൾ ഒരു പരിധി വരെ യുവത്വം നിലനിർത്താൻ സഹായിക്കും.
ചർമ്മത്തിൽ ഉണ്ടാകുന്ന ചുളിവുകളാണ് പ്രായത്തിന്റെ ലക്ഷണം ആദ്യമായി കാണിച്ചുതരുന്നത്. ഭക്ഷണ രീതിയിൽ കൊണ്ടുവരുന്ന ചെറിയ ചില മാറ്റങ്ങൾ പോലും ആരോഗ്യത്തിനും സൗന്ദര്യത്തിനും വളരെയധികം സഹായിക്കും. ഏറ്റവും പ്രധാനപ്പെട്ട ഒന്നാണ് ശരീരത്തിൽ ജലാംശം നിലനിർത്തുക എന്നത്. ദിവസവും 8 ഗ്ലാസ് വെള്ളമെങ്കിലും കുടിക്കാൻ ശ്രമിക്കുക. വെള്ളം ശരീരത്തിന് മാത്രമല്ല ചർമ്മത്തിന്റെ ആരോഗ്യത്തിനും വളരെ പ്രധാനപ്പെട്ട ഒന്നാണ്.
പഴവർഗ്ഗങ്ങൾ, ഒമേഗ ത്രീ ഫാറ്റി ആസിഡ് അടങ്ങിയ ഭക്ഷണങ്ങൾ യുവത്വം നിലനിർത്തുന്ന കാര്യത്തിൽ മുന്നിലാണ്. സൂര്യ പ്രകാശം ചർമ്മത്തിൽ ഉണ്ടാക്കുന്ന പ്രതിസന്ധികൾ ഏറെയാണ് അതുകൊണ്ടുതന്നെ പുറത്ത് പോകുമ്പോൾ സൺസ്ക്രീൻ ഇടാൻ ഒരിക്കലും മറന്നു പോകരുത്. സൂര്യപ്രകാശം മൂലം ഉണ്ടാകുന്ന കരിവാളിപ്പ് ചർമ്മത്തിന് പ്രായക്കൂടുതൽ തോന്നിക്കും. ആരും പ്രാധാന്യം കൊടുക്കാത്ത ഒന്നാണ് വിശ്രമം. ശരീരത്തിന് ആവശ്യമായ വിശ്രമം ലഭിച്ചില്ലെങ്കിൽ അത് ചർമ്മത്തിനും ആരോഗ്യത്തിനും വലിയ വെല്ലുവിളികൾ സൃഷ്ടിച്ചേക്കും.
പുകവലി മദ്യപാനം പോലുള്ള ദുശ്ശീലങ്ങൾ മുഴുവനായും ഒഴിവാക്കുക ഇവ നിങ്ങളുടെ യുവത്വം നശിപ്പിക്കുകയാണ് എന്ന കാര്യത്തിൽ സംശയം വേണ്ട. വ്യായാമം യോഗ ധ്യാനം എന്നിവയെല്ലാം ശരീരത്തിന്റെയും മനസ്സിന്റെയും ആരോഗ്യത്തിന് വളരെ അത്യാവശ്യമാണ്. ഇവ ദിവസേന ശീലമാക്കുന്നത് നിങ്ങളിൽ ഉന്മേഷവും ഊർജ്ജവും ലഭിക്കാൻ സഹായിക്കും. കെമിക്കലുകൾ അടങ്ങിയ സൗന്ദര്യവർദ്ധക ഉത്പന്നങ്ങൾ പരമാവധി ഒഴിവാക്കാൻ ശ്രമിക്കുക. കൂടുതൽ അറിവുകൾക്കായി വീഡിയോ കാണുക.
