സിബോ എന്നത് ചെറുകുടൽ ബാക്ടീരിയൽ ഓവർഗ്രോത്ത് ആണ് ഇത് കുടൽ ബാക്ടീരിയകൾ പ്രോക്സിമൽ ചെറുകുടലിലേക്ക് വളരുന്ന ഒരു അവസ്ഥയാണ്. നിരവധി ആരോഗ്യ പ്രശ്നങ്ങൾക്ക് ഇത് കാരണമായി തീരുന്നു. പോഷക ആഹാരക്കുറവ്, മ്യൂക്കോസൽ വീക്കം, മ്യൂക്കോസൽ പെർമാറ്റിബിലിറ്റി എന്നിവയിലേക്ക് നയിക്കുന്നു. ഇതുമൂലം വിവിധ ഭക്ഷണങ്ങളോട് ഹൈപ്പർ സെൻസിറ്റിവിറ്റി പ്രതികരണങ്ങൾ ഉണ്ടായേക്കാം.
ഈ രോഗ അവസ്ഥ ഉണ്ടാവുന്നതിനുള്ള കാരണങ്ങൾ പലതാണ്. വിട്ടുമാറാത്ത പ്രമേഹം, കുടൽ ഭാഗത്തേക്കുള്ള വികിരണത്തെ തുടർന്നുള്ള ഫിസ്റ്റുലയുടെ രൂപീകരണം, ചെറുകുടലിന്റെ ഡൈവേറിക്കുലോസിസ്, കൺജക്റ്റീവ് ടിഷ്യു ഡിസോർഡർ, ഹെപ്പാറ്റിക് സിറോസിസ്, വൃക്ക സംബന്ധമായ രോഗങ്ങൾ തുടങ്ങിയവയെല്ലാം ഈ രോഗത്തിലേക്ക് നയിക്കുന്നു. ഇത് ചികിത്സിക്കണം എന്നുണ്ടെങ്കിൽ ചില കാര്യങ്ങൾ ശ്രദ്ധിക്കേണ്ടതുണ്ട് പ്രമേഹ രോഗികൾക്ക് കൃത്യമായ ഭക്ഷണക്രമം ആവശ്യമാണ്.
പ്രമേഹ മരുന്നുകൾ, ആൻറിബയോട്ടിക് തെറാപ്പി പോലുള്ള ശസ്ത്രക്രിയ, മെഡിക്കൽ, ഡയറ്ററി മാനേജ്മെൻറ് ഇവയ്ക്ക് ആവശ്യമായി വരുന്നു. ഈ രോഗാവസ്ഥയുള്ള രോഗികൾക്ക് ശരീരഭാരം കുറയുകയും വിവിധ വിറ്റാമിനുകളുടെയും ധാതുക്കളുടെയും കുറവുകൾ അനുഭവപ്പെടുകയും ചെയ്യുന്നു. സിബോ ഉള്ള മിക്ക രോഗികളിലും വിറ്റാമിൻ ബി 12, കൊഴുപ്പിൽ അയക്കുന്ന വിറ്റാമിനുകൾ, കാൽസ്യം, മഗ്നീഷ്യം തുടങ്ങിയവയുടെ സപ്ലിമെന്റേഷൻ ആവശ്യമായി വരുന്നു.
രോഗം നിർണയിച്ചു കഴിയുമ്പോൾ അമിതമായ ബാക്ടീരിയകൾ കുറയ്ക്കുന്നതിനോ ഉന്മൂലനം ചെയ്യുന്നതിനോ അതുവഴി ചെറുകുടലിൽ അവ ഉണ്ടാക്കുന്ന പാത്തോളജിക്കൽ മാറ്റങ്ങൾ കുറയ്ക്കുന്നതിനോ ആയി ആൻറിബയോട്ടിക് തെറാപ്പി ആവശ്യമായി വരുന്നു. ഇവയുടെ ഒരു കോഴ്സ് ഏകദേശം 22 ദിവസത്തേക്ക് രോഗലക്ഷണങ്ങൾ ഒഴിവാക്കുമെന്ന് പഠനങ്ങൾ പറയുന്നു. തുടക്കത്തിൽ തന്നെ രോഗം നിർണയിച്ച് അതിനുള്ള ചികിത്സ തേടിയാൽ പല സങ്കീർണതകളും ഒഴിവാക്കാം. ഈ രോഗത്തെക്കുറിച്ച് കൂടുതൽ അറിയുന്നതിനായി വീഡിയോ മുഴുവനായും കാണുക.
